220 kV gücündə "Müşfiq" yarımstansiyasının yenidən qurulması layihəsinin qəti razılaşdırılması üçün yanvarda Yaponiyanın "Cayka" beynəlxalq əməkdaşlıq bankı ekspertlərinin Bakıya səfəri gözlənilir. Bu barədə Trend ə hökumətdə bildirilib. 2005-ci ildə Azərbaycan hökumətinin rəsmi müraciətinə əsasən Yaponiya fondu təmir işlərinin maliyyələşdirilməsi ilə bağlı razılığını bildirib.
İlkin olaraq layihənin dəyərinin qərarlaşdırılması, vacib avadanlığın siyahısı və tender sənədlərinin hazırlanması məqsədilə məsləhətçi müəyyən ediləcək.Tədarükçü müəyyən edildikdən sonra "Cayka" fondu qrant ayıracaq.
Payız-qış mövsümünə hazırlıq çərçivəsində "Azərenerji" SC 110-kilovoltluq yağ elektrik açarlarının təftişini aparıb, korroziya əleyhinə işlər həyata keçirib.
"Müşfiq" yarımstansyiası Bakı şəhərinin böyük hissəsini elektrik enerjisi ilə təmin edir.