Birgə layihələrin texniki və təşkilati detallarının reallaşdırılması Azərbaycan və İranın enerji idarələrinin ekspertlərinin növbəti görüşündə müzakirə olunub. Bu barədə Azərenerji SC-nin Trend ə məlumat verilib.
Hazırda gündəlikdə duran əsas məsələ milli enerji sistemləri arasında enerji layihələrinin genişləndirilməsi layihəsidir. İranla enerji mübadiləsinin 700 MVt-a qədər artırılmasıüçün Azərbaycanın enerji sahəsinin perspektivli inkişaf planına 330 kV-luq Əlibayramlı DRES -İmişli Elektrik Ötürücüsü Xəttinin və ikinci İmişli -Parsabad, 220-kV-luqƏlibayramlı DRES-Salyan, Salyan - Massalı, Massalı - Astara xəttinin tikintisi, yeni 220-kilovoltluq "Salyan" yarımstansiyasının tikintisi, eləcə də "İmişli", "Masallı" yarımstansiyalarının əsaslı və qismən yenidənqurulması daxildir. Ekspertlərin fikrincə, bu, NMR-na 150 MVt elektrik enerjisi tədarük etməyə imkan verəcək.
75 mln dollarlıq kreditin ayrılması üçün müqavilə 2005-ci il aprelin 22-də Bakıda imzalanıb. İranın "Eksport" bankının adıçəkilən layihə üçün kreditin ayrılması üçün razılaşma 2004-cü ilin avqustunda Tehranda əldə olunub. Hazırda danışıqlar aparan qrupun üzvlərinin sözlərinə görə, tərəflər konkret işləri yerinə yetiriblər. Azərbaycan ərazisində "Salyan" yarımstansiyasının tikintisinə başlanılıb, elektrik ötürücü xəttlərinin modernləşdirilməsi üçün avadanlıqlar sifariş və tədarük edilir, zəruri olan xüsusi texnika əldə olunur.
SC hər ay İrandan 50-70 mln kVt/s elektrik enerjisi alır. 2005-ci ildə tədarükün həcmi 656,635 mln kVt/s təşkil edir.
