Azərbaycan Rusiyanın "Transneft" şirkətinin 1 ton xammalın nəqli üzrə tarifləri yüksəldəcəyi halda Bakı-Novorossiysk boru kəməri ("Şimal" marşrutu) ilə neft ixraçı kəskin şəkildə azalacaq. Bu barədə Trend ə Azərbaycanın sənaye və energetika naziri Natiq Əliyev məlumat verib.
Onun sözlərinə görə, bu gün Azərbaycanı "Şimal" marşrutu ilə neftin bir tonunun nəqli üzrə mövcud tariflər ($15,67/t.) təmin edir. "Lakin əgər tariflər artırılarsa, bizə bu kəmərlə neft nəql etmək sərfəli olmayacaq. Həm də biz ən yaxın zamanlarda BTC boru kəmərinin istismarına başlayacağını gözləyirik", - deyə nazir bildirib.
N.Əliyevin sözlərinə görə, bu gün hər şeydən əvvəl Novorossiyskdə Neft Keyfiyyət Fondunun yaradılması zəruridir. İş burasındadır ki, Azərbaycan bu boru kəməri ilə keyfiyyətli neft nəql edir, Novorossiyskdən isə daha çox sulfidli Yurals sortunu satır ki, bu da neftin qiymətinə təsir edir.
"Bizim üçün keyfiyyətli neft verib, əvəzində neft həcminin adekvat miqdarını almaq vacibdir", - deyə N.Əliyev bildirib.
