Azərbaycanın "Kürovdağ" quru yatağının reabilitasiyasını, kəşfiyyatını və işlənib hazırlanmasını həyata keçirən Shirvanoil şirkəti aprelin birinci ongünlüyündə yeni istismar quyusunun qazılmasına başlayacaq. Bu barədə Trend ə Azərbaycan Dövlət Neft şirkətindən məlumat verilib. "Kürovdağ"ın cənub hissəsində qazma işlərini Britaniyanın Monument Oil servis şirkəti həyata keçirəcək.
2005-ci ilin sonunadək Shirvanoil "Kürovdağ" yatağının işlənib hazırlanmasına $40 milyondan artıq sərmayə qoyub. ARDNŞ və Britaniyanın Caspian Energy Group şirkəti 2006-cı il yanvarın 1-dən Shirvanoil MM bazasında Shirvanoil əməliyyat şirkətinin yaradılması ilə bağlı razılığa gəlib.
2004-cü ilin noyabrında ARDNŞ Caspian Energy Group (keçmiş Whitehall) ilə "Kürovdağ"a dair PSA müqaviləsi imzalayıb və tərəflərin hər biri 50% iştirak payına malik olub. 1997-ci ildən başlayaraq "Kürovdağ"ın reabilitasiyası ilə Shirvan Oil MM məşğul olub. Burada Caspian Energy Group 51% iştirak payına malik idi.
"Kürovdağ" yatağı 1929-cu ildə açılıb və 1955-ci ildə işlənməyə başlayıb. Bu gün 36 mln tondan çox neft hasil edilib ki, Shirvan Oil BB-nin (1997-ci ildən bəri) də payına 1,6 mln tondan çox neft düşüb.