Hasilatın bölüşdürülməsinə dair sazişlər üzrə gerçəkləşdirilən layihələr çərçivəsində xarici şirkətlər $17 mlrd. 914,5 mln məbləğində sərmayə yatırıb. Bu barədə Trend ə ARDNŞ-dən məlumat verilib.
Ötən il PSA çərçivəsində həyata keçirilən layihələrdən və boru kəməri layihələrindən Azərbaycan $1 mlrd. 917,5 mln gəlir əldə edib. Bü dövr ərzində Azərbaycan 7,68 mln. ton mənfəət nefti alıb. Bu həcmin 7,66 mln. tonu "Azəri"-"Çıraq"-"Günəşli" yataqlarının payına düşür.
1997-ci ildən başlayaraq Bakı-Novorossiysk şimal boru kəməri marşrutu ilə 13,1 mln. ton neft göndərilib. 2005-ci ildə Novorossiysk limanından İtaliya, Yunanıstan, Rumıniya, Bolqarıstan, Çin, Xorvatiya, Fransa və İspaniya 1 mln. 631 min 185 ton neft ixrac edilib.
Şazırda ARDNŞ A-80 və A-92 növlü avtomobil yanacağı, TS-1 növlü reaktiv mühərrik yanacağı, L-62 növlü dizel yanacağı, maye qaz, KZ-0-250 növlü neft koksu, M-100 növlü soba yanacağı ixrac edir.
