Tanker biznesində ixtisaslaşan iri türk şirkəti Zihni iyulun 13-də Ceyhan limanındakı terminalın rəsmi açılışında və Bakı-Tbilisi-Ceyhan (BTC) boru kəmərinin Türkiyəyə aid olan hissəsinin inauqurasiyasında neftin boşaldılıb-yüklənməsi zamanı müxtəlif xidmətlər göstərmək üçün terminaldakı öz yeni ofisinin təqdimetmə mərasimini keçirməyi planlaşdırır.
Trend in verdiyi xəbərə görə, Zihni şirkətinin Geyhandakı nümayəndəliyi müxtəlif rəsmi ödənişlər, modul terminal əlaqəsinin və ehtiyat hissələrinin tədarükü üzrə xidmət, bunker xidmətləri, təhlil üzrə sərbəst test və xidmətlər, təmir və s. üzrə xidmətlər göstərəcək.
Ceyhan limanındakı çənlərin gücü 7 milyon barel (hər biri 1 milyon barel olmaqla, 7 ədəd) təşkil edir. Xidmət edilən tankerlərin maksimal dedveyti 300 min ton, körpünün uzunluğu isə 2500 metridir. Körpüdə eyni zamanda VLCC tipli iki tanker qəbul oluna bilər.
