Üç gün ərzində "Makat-Şimali Qafqaz" və "Mozdok-Qazıməmməd" magistral qaz kəmərlərində plan-profilaktik və təmir işləri kompleksinin başa çatacağı, o cümlədən Azərbaycana qaz tədarükünün bərpa ediləcəyi gözlənilir. Bu barədə Trend ə ARDNŞ-dən məlumat verilib.
Dağıstan ərazisində işləri "Kaspiyqazprom" MMC həyata keçirir. Azərbaycandan başqa, Dağıstanın bir sıra şəhər və rayonlarına da qaz tədarükü dayandırılıb.
Yanvar-iyun aylarında "Qazeksport" Azərbaycana 2 mlrd 325,6 mln kub metr qaz tədarük edib. Bu göstərici ötən ilin 1-ci yarısında 2,6 mlrd kub metr təşkil edib.
2006-cı ilin iyununda tədarükün həcmi 325,6 mln kub metr olub. Ötən ilin iyununda isə Azərbaycana 367,1 mln kub metr qaz tədarük edilib.
Cari ildə ARDNŞ "Qazeksport"dan 1 min kub metri 110 dollara 4,5 mlrd kub metr qaz almağı planlaşdırılır.
