ARDNŞ avqustda Novorossiysk limanından 209 min ton Urals netfinin satışı haqqında tender elan edib. ARDNŞ-dən Trend-ə verilən məlumata əsasən, yük iki partiyada göndəriləcək. 131 min tonluq partiya avqustun 28-29-da, 78 min tonluq partiya isə avqustun 30-31-də göndəriləcək. Tenderə avqustun 2-də yekun vurulacaq.
Əvvəlki aylarda ARDNŞ Bakı-Novorossiysk kəmərilə ayda 60 min ton neft nəql edirdi. Bu, ABƏŞ-in həmin kəmərlə ACG Group tərəfdaşlarının neftini nəql etməsi ilə bağlı idi. Hazırda Bakı-Tbilisi-Ceyhan neft boru kəmərinin istismara verilməsi ilə əlaqədar neftin bir hissəsi bu marşrutla nəql olunur. Lakin BP-dən bildirildiyi kimi, Bakı-Novorossiysk kəmərinin istifadəsi BTC kəmərənin sabit işləməsindən sonra dayandırılacaq.
2005-ci ildə ARDNŞ Noforossiysk limanından 1,631 mln. ton neft göndərib ( 2004-cı ildə - 2,559 mln. ton).
2005-ci ildə Glencore ARDNŞ-dən 557 min ton neft alıb. İkinci yerdə isə LUKOIL (464 min ton) gəlir.
2006-ci ilin əvvəlindən ARDNŞ-dən neft almış şirkətlərin siyahısı:
Yanvar - Glencore (85 min ton);
Fevral - Taurus Petroleum (140 min ton);
Fevral - Glencore (60 min ton);
May - Glencore (60 min ton);
İyun - Glencore (60 min ton);
İyul - Glencore (60 min ton).
