Bu il Azərbaycan Beynəlxalq Əməliyyat Şirkəti "Azəri"-"Çıraq"-"Günəşli" layihəsi çərçivəsində Azərbaycana pulsuz olaraq 2,1 mlrd. kub metr səmt qazı verəcək. Bu barədə Trend ə ARDNŞ-dən məlumat verilib.
2007-ci ildə ABƏŞ 1,4 mlrd kub metr səmt qazı vermək niyyətindədir. Ancaq bu məsələ ilə bağlı danışıqlar hələ davam etdirilir. "ARDNŞ mümkün qədər daha çox həcmdə səmt qazı almaq istəyir", - deyə ARDNŞ-dən bildirilib.
O da qeyd olunub ki, ABƏŞ-in operatoru BP Azərbaycana böyük həcmdə səmt qazının verilməsi nəticəsində əmələ gələcək və bunun nəticəsi kimi təzyiqin saxlanması üçün qazın laya vurulması həcminin azalmasına gətirib çıxaracaq neftin itirilmiş həcminə görə kompensasiyanın verilməsi məsələsini qaldırmaqda davam edir. Ancaq ARDNŞ bu həcmi kompensasiya etmək niyyətində deyil.
ABƏŞ 2 mln barel neft həcmində kompensasiya almaq istəyir.
1994-cü ildə "Azəri"-"Çıraq"-"Günəşli" üzrə imzalanmış PSA müqaviləsinə görə, ABƏŞ neft hasilatı zamanı Azərbaycan tərəfə pulsuz olaraq səmt qazı verməlidir. Yalnız yataqda neft-qaz əməliyyatları aparmaq üçün ABƏŞ-ə lazım olan həcmlər istisna təşkil edir.
