2005-ci ildə Azərbaycan Dövlət Neft Şirkəti tərəfindən qazma işlərinə 10248,2 ton boru sərf olunub. Bunlardan 9798,8 tonu alınıb, 449,4 mini isə ləğv olunmuş quyuların borularından istifadə olunub. Bu barədə Trend ARDNŞ-in 2005-ci il üçün hesabatına istinadən xəbər verir.
2005-ci il ərzində ARDNŞ-in Maddi-Texniki Təchizat İdarəsi tərəfindən nəzərdə tutulmuş 2753,4 ton əvəzinə 842 ton boru alınıb. Bu rəqəmdən 86,2 tonu (planlaşdırılmış 863 tona qarşı) ağır qazma borularının payına düşür.
ARDNŞ-in qazma üzrə planının yerinə yetirilməməsinin əsas amili qazma borularına olan tələbatın təmin olunmamasıdır.
2005-ci ildə ARDNŞ 133 352 metr qazma işləri həyata keçirib ki, bu da proqnozdan 5413 metr azdır.
Məlumatda qeyd olunduğu kimi, 2005-ci ildə məhsuldar vaxt göstəricisi 71,6%, məhsuldar olmayan isə 28,4% təşkil edib ki, bunun da 22,8%-i təşkilati dayanmaların, 4,1 %-i qəzaların, 4,4%-i isə çətinliklərin aradan qaldırılmasının payına düşür. Təşkilati-texniki dayanmalar boruların, kimyəvi reaktivlərin, ehtiyat hissələrinin və digər avadanlıqların çatdırılması zamanı yaranıb, - deyə məlumatda bildirilir.
