Hazırda Bakıya təxminən 170 km boru gətirilib. Bu borular "2006-2007-ci illərdə Bakı qəsəbələrinin sosial-iqtisadi inkişafının sürətləndirilməsi üzrə dövlət proqramı" çərçivəsində paytaxt və qəsəbələrin qazla təminatının yaxşılaşdırılması üçün istifadə olunur. Trend in xəbər verdiyi kimi, bu barədə oktyabrın 6-da Bakı Baş Qaz İstehsal Birliyinin rəhbəri Tahir Əliyev məlumat verib.
Bu işlər çərçivəsində 119 layihənin həyata keçirilməsi planlaşdırılır. Artıq 25 obyektdə işlərə başlanıb, 5 obyektdə isə başa çatıb. Bu il 75 layihənin həyata keçirilməsinə başlanacaq.
Proqramın gerçəkləşdirilməsinə 27,5 mln. AZN-in sərf edilməsi nəzərdə tutulur. Bu il 14 mln. AZN xərclənəcək. Bunun 10 mln. AZN-i büdcədən ayrılacaq, yerdə qalan məbləğ isə "Azəriqaz" QSC-nin şəxsi vəsaiti hesabına veriləcək. Gələn il bu həcm 13 mln. AZN təşkil edəcək. Bunun 10 mln. AZN-i büdcə, yerdə qalan isə "Azəriqaz"ın vəsaiti olacaq", - deyə T.Əliyev qeyd edib.
