Azərbaycan Dövlət Neft Şirkəti (ARDNŞ) Türkiyənin Ceyhan limanından Bakı -Tbilisi-Ceyhan (BTC) boru kəməri ilə gətirilmiş Azeri Light markalı neftin növbəti partiyasının göndərilməsi üçün tender elan edib. Bu barədə Trend ə ARDNŞ-dən xəbər verilib.
Partiyanın həcmi 1 mln. barel (və ya 80 min ton) təşkil edəcək. Yüklənmənin bu il noyabrın 24-26-da həyata keçiriləcəyi planlaşdırılır. Tender oktyabrın 26-da yekunlaşdırılacaq.
Oktyabrın 19-da AZERİ LT FOB Ceyhan neftinin qiyməti $57,45/barel təşkil edib (ötən həftəyə nisbətən $0,57/barel aşağı düşüb).
Ceyhandan aşağıdakı şirkətlər neft partiyaları alıblar:
Statoil - avqust (1 mln. barel);
Arcadia - sentyabr (600 min barel).