Azərbaycan Maliyyə Nazirliyinin dəqiq məlumatlarına görə, 2006-cı ilin yanvar-sentyabr ayları üzrə Azərbaycan Beynəlxalq Əməliyyat Şirkətindən (ABƏŞ, Azəri-Çıraq-Günəşli yataqlarının işlənməsi üzrə operator) dövlət büdcəsinə gəlir vergisi qismində ödədiyi məbləğ 972 mln. manat təşkil edib. Bu barədə Trend ə Maliyyə Nazirliyindən məlumat verilib. Ən çox ödənilən məbləğlər neftin yüksək qiyməti ilə əlaqədar üçüncü rübün payına düşüb və 400 mln. manatı ötüb.
2006-cı ildə podrat şirkətlərindən daxilolmaların 600 mln. manat (667 mln. ABŞ dolları) səviyyəsində olacağı gözlənilirdi, lakin göründüyü kimi, neftin qiymətinin yüksək olması ilə bağlı üç rübün yekunu üzrə daxilolmalar artıq proqnozu ötüb. Gəlir vergisi üzrə ödəmələr hər rüb həyata keçirilir.
Beynəlxalq valyuta fondu inflyasiya artımına yol verməmək üçün Azərbaycan hökümətinə bu neft-dollar daxilolmalarını birbaşa ölkənin Dövlət Neft Fonduna keçirməyi təklif edib. lakin bu təklif Azərbaycan höküməti tərəfindən dəstəklənməyib və neft şirkətlərindən gəlir vergisi üzrə daxilolmalar 2007-ci ildə də dövlət büdcəsinə ödəniləcək.
Bununla yanaşı, ARDNF və Maliyyə Nazirliyi arasında avqustun 11-də imzalanmış müqaviləyə əsasən, dövlət büdcəsinin valyuta daxilolmaları Neft fondunun idarəsinə verilir.