Azərbaycan, Bakı/ Trend müxbir S.Əliyev/ "Azərenerji" Səhmdar Cəmiyyəti rusiyalı həmkarı qarşısında Azərbaycana enerji idxalına görə tariflərin aşağı salınması barədə məsələ qaldırmaq niyyətindədir. Bu barədə məlumatı Səhmdar Cəmiyyətin mətbuat xidməti müəssisənin baş mühəndisi Saleh Məmmədova istinadən verib.
Bununla yaanaşı, Azərbaycandan Rusiayaya elektrik enerjisi ixracına görə tariflərin dəyişilməz saxlanılması gözlənilir.
Bu ayın sonunda "Azərenerji" SC Rusiyadan Azərbaycana enerji idxalındakı tariflərə yenidən baxmaq niyyətindədir. Elektrik enerjisinin tədarükü haqqında müqavilə bütünlüklə 2007ci il üçün nəzərdə tutulsa da, tariflər ancaq birinci kvartal üçün qəbul olunub.
Birinci kvartal üçün Rusiyadan Azərbaycana enerji idxalında 2006-cı ildəki tariflərin (1 kVt/saat ücün 3,636 sent) tətbiq olunması nəzərdə tutulub. Azərbaycan elektrik enerjisinin Rusiyaya satış qiyməti isə 1 kVt/saat üçün 1,58 sentdən 1,8 sentə qaldırılıb.
Azərbaycanda elektrik enerjisinin verilişində kəsir yarandığı pik saatlarında Rusiya 200-250 MVt gücündə enerji verir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
