Azərbaycan, Bakı / Trend / Azərbaycan Dövlət Neft Şirkəti (ADNŞ) Almaniyanın "Siemens" şirkəti ilə rabitə, telekommunikasiya, səhiyyə proqramları və digər sahələrdə əməkdaşlığı genişləndirmək niyyətindədir. Bunu ADNŞ prezidenti Rövnəq Abdullayev "Siemens"in İdarə Heyətinin üzvü Rudi Lamprextlə görüşündə deyib.
ADNŞ bölgələrin sosial-iqtisadi inkişafı üzrə Dövlət Proqramı çərçivəsində 10-dan çox regionda diaqnostika mərkəzlərinin, xəstəxanaların, klinikaların və məktəblərin inşasını həyata keçirir.
Ötən il Lənkəran və Naxçıvanda istifadəyə verilmiş müəlicə-diaqnostika mərkəzlərində əsasən "Siemens" şirkətinin avadanlığı quraşdırılıb.
Lamprext qeyd edib ki, təmsil etdiyi şirkət ADNŞ-in Azərbaycandakı və xarici ölkələrdəki layihələrində iştirak etməyə hazırdır.
