Azərbaycan, Bakı / Trend / Beş ay ərzində Muradxanlı, Cəfərli, Tərsdəllər və Naftalan yataqlarının daxil olduğu "Muradxanlı" neft mədənində neft hasilatı 12 min 160 ton təşkil edib. Bu, həmin müddət üçün qoyulmuş proqnoza uyğundur. Bu barədə mədənin rəhbəri Dünyamalı Əliyev məlumat verib.
"Muradxanlı"da neftin illik hasilat həcmi 29 min 400 ton civarında proqnozlaşdırılır. Quyuların istismar fondu 91 quyu təşkil edir. Fəaliyyətdə olan quyuların sayı - 65, fəaliyyətdə olmayanların sayı isə 26-ya bərabərdir.
İlin əvvəlində qazma işlərindən sonra istismara iki yeni quyu verilib. Yanvar-may aylarında mədəndə beş quyuda əsaslı, 14 quyuda isə cari təmir aparılıb.