Azərbaycan, Bakı/ Trend müxbir S.Əliyev/ Sentyabrda Azərbaycan Beynəlxalq Əməliyyat Şirkəti (ABƏŞ) "Mərkəzi Azəri" yatağında lay sularının və qazın vurulmasının həcmini artırmaq məqsədilə avadanlıq quraşdırılması üçün "Azəri" yatağında yüngül neft hasilatını daayandıracaq. Bu barədə cümə günü BP Azerbaijan (operator ABƏŞ) şirkətindən məlumat verilib.
Şirkətdən qeyd ediblər ki, işləri 10 gün ərzində başa çatdırmaq planlaşdırılır. Görülən işlər çərçivəsində laylara qaz vurulması üçün və lay sularının utilizasiyası üçün avadanlıqlar quraşdırılacaq. Neft emalından sonra alınan lay suları yeni boru kəməri ilə platformaya gətiriləcək və yenidən laylara vurulacaq. Hazırda "Azəri-Çıraq-Günəşli" yatağında sutkalıq hasilat 700 min bareli ötür.
Azəri-Çıraq-Günəşli Hasilatın Pay Bölgüsü Sazişinin tərəfdaşları bunlardır: BP (operator - 34,1%), Şevron (10,3%), ARDNŞ (10%), İNPEKS (10%), Statoyl (8,6%), EksonMobil (8%), TPAO (6,8%), Devon (5,6%), İtoçu (3,9%), Hess (2,7%).
