Azərbaycan, Bakı/ Trend müxbir İ.X / Alternativ enerji mənbələrinin tətbiqində texniki yardım layihəsi üzrə Sənayə və Energetika Nazirliyi ilə texniki məsləhətləşmə üçün sentyabrın 10-dan Asiya inkişaf bankının layihə meneceri Tian Xua Linin Bakıya səfəri başlayacaq. Bu barədə cümə günü AİB-in Bakı nümayəndəliyindən məlumat verilib.
Sentyanbrın 12-nə qədər davam edəcək işgüzar səfər çərçivəsində o, nazirliyə layihənin əsas istiqamətlərinin göstərildiyi aralıq hesabatı təqdim edəcək. Öncə səfər sentyabrın 3-5- tarixlərinə planlaşdırılmışdı.
Sənəd hökumətlə razılaşdırıldıqdan sonra yekun hesabatın hazırlanmasına başlanılacaq. Bu işlərin əvvəlcə 2007-ci il sentyabrın ortasında başa çatdırılması planlaşdırılsa da, həmin müddət dəyişikliyə məruz qalacaq.
AİB artıq layihənin Asiya bankının maliyyələşdirməsi imkanları barədə hökumətlə ilkin məsləhətləşmələrə başlayıb. Bank layihənin həyata keçirilməsinə 50 mln. dollar təqdim etməyə hazırdı. Bu vəsait ölkədə kiçik su elektrik stansiyalarının tikintisi üçün nəzərdə tutula bilər (qanunvericiliyə əsasən 30 mVt-a qədər gücü olamn syansiyalar kiçik SES hesab olunur).
Məsləhətçi 900 min dolar məbləğində qranta yenilən elektrik enerjisi mənbələrinin inkişahfı üçün müxtəlif yolların və potensialın müəyyən olunması üzrə tədqiqat aparır. Bu vəsaitin 200 min dolları Finlandiya hökuməti, 500 min dolları AİB və 200 min dolları Azərbaycan hökuməti tərəfindən ayrılıb. Qrant müqaviləsinin imzalanması 26 may 2006 - cı ildə baş tutub. Texniki yardım 10 aya nəzərdə tutulub.
Ilkin tədqiqatlara əsasən beş il ərzində Azərbaycanada 10-ə qədər alternativ elektrik enerjisi mənbəyinin tikilməsi planlaşdırılır. Hazırda ölkədə alternativ elektrik enerjisi mənbələrinin payı heç bir faizə də çatmır ki, bu da kiçik su elektrik stansiyalarının payına düşür.
Gücündən asılı olaraq bir kiçik SES-in tikintisi 1 MVt-a 600 min dollardan 1 mln. dollara qədər başa gəlir.
