...

"Azeri Drilling Company" iri dəniz yatağında qazıntı işlərinə başlayıb

Energetika Materials 10 Sentyabr 2007 14:31 (UTC +04:00)

Trend-i buradan izləyin

Azərbaycan, Bakı / Trend , müxbir S.Əliyev/ Bazar ertəsi ARDNŞ-dan verilən məlumata görə,

"Azeri Drilling Company" birgə müəssisəsi Azərbaycan Dövlət Neft Şirtkəti tərəfindən işlənən "Günəşli" yatağının dayaz su hissələrində birinci quyunun qazılmasına başlayıb.

Qazıntı işləri "Günəşli-13" platformasında başlayıb. Quyunun dərinliyi 2800 metr təşkil edir və qaz hasilatı üçün nəzərdə tutulub.

Yaxın zamanlarda şirkət elə həmin yataqda "Günəşli-11" platformasında qazıntılara başlamaq niyyətindədir. Hazırda bu platformanın genişləndirilməsi ilə bağlı iş aparılır.

ARDNŞ-dan verilən məlumata görə, şirkət 12 yeni quyu qazmağı planlaşdırır. Onlardan dördü "Günəşli-11" platformasında, səkkizi isə "Günəşli-13" platformasında qazılacaq.

"Günəşli-11" platforması suyun 102 metr dərinliyində quraşdırılmış əlavə blokun hesabına genişləndirilir. Blokun çəkisi 1060 tondur. Hündürlüyü isə 113 metrdir. ARDNŞ layihəyə dəyişiklik edib ki, bu da platformada əvvəl nəzərdə tutulduğu kimi altı deyil, səkkiz qaz quyusu qazmağa imkan verəcək. Geoloqların hesablamalarına görə, səkkiz quyunun qazılmasından sonra əlavə blokun sutkalıq debiti 1,5-2 mln. kubmetr təşkil edəcək.

"Günəşli-13" platforması itismara üç il bundan əvvəl verilib. Bu dövr ərzində bu platformada üç yüksək debitli quyu qazılıb. Onlardan ikisi 300 ton sutkalıq debitə malikdir.

"Azeri Drilling Company" birgə müəssisəsinin təsisçiləri ARNDŞ (35%), "Target Petroleum Azerbaijan Corporation" (35%), "First Drilling Limited" (Şotlandiya) (30%) şirkətləridir.

Müssisənin fəaliyyət dairəsinə neft və qaz quyularının qazılması, quyuların sementlənməsi və möhkəmləndirilməsi, mənimsəmə, əsaslı və yeraltı təmir, geofiziki tədqiqat və perforasiya daxildir.

Xəbər lenti

Xəbər lenti