Bakı. Trend:
ABŞ Almaniyadakı hərbi kontingentinin sayını 25 min nəfərə qədər azaltmaq niyyətindədir.
Trend-in məlumatına görə, bu barədə Donald Trump Ağ Evdə "dairəvi masa" görüşü zamanı bildirib.
Qərarın səbəbi Almaniyanın amerikan hərbçilərinin yerləşdirilməsinə görə ödəmələri etməməsidir.
"Almaniya siz bildiyiniz kimi NATO-ya ödəmələr öhdəliklərini yerinə yetirmir. Onlar NATO-ya milyardlar borcludurlar və bunu gözəl bilirlər", - ABŞ prezidenti deyib.
Prezident, Almaniyadakı ABŞ hərbçilərinin sayının Berlinin onların yerləşdirilməsi üçün hesabları ödəmədiyi təqdirdə 25 minə endiriləcəyini bildirib. Hazırda Almaniyada təxminən 34,5 minlik ABŞ kontingenti saxlanılır.