...

Bankkart Bizness kart sahibləri üçün nağdlaşdırma indi daha da rahat

Maliyyə Materials 4 Oktyabr 2022 10:57 (UTC +04:00)
Bankkart Bizness kart sahibləri üçün nağdlaşdırma indi daha da rahat

Trend-i buradan izləyin

Bakı. Trend:

Ziraat Bank Azərbaycan hüquqi şəxs və fərdi sahibkar müştərilərinə təqdim etdiyi Bankkart Biznes məhsulundan daha da rahat istifadə üçün yenilik tətbiq edib. Belə ki, Bank biznes kart məhsulu vasitəsilə ATM-dən məxaric imkanı yaradaraq müştərilərinin nağd vəsaitə olan ehtiyaclarının banka gəlmədən, anında qarşılanmasını təmin edib. Beləliklə Bankkart Biznesin yeni funksiyası olan məxaric imkanı ilə Bankın müştəriləri dünyanın hər yerində, istənilən ATM-dən 24/7 vəsaitlərini daha rahat və operativ şəkildə nağdlaşdıra biləcəklər.

Qeyd edək ki, Bankkart Biznes məhsulu bir çox üstünlüklərə malikdir. Bank sözügedən kart ilə müştərilərinə bütün xərclərinin nəzarət altında saxlanılmasına, ezamiyyət və nümayəndəlik xərclərin, HÖP və gömrük məntəqələrində rüsumların, vergi rüsumunun, icarə haqqı və digər ödənişlərin rahat və sürətli şəkildə həyata keçirilməsinə imkan yaradır. Ziraat Bank Azərbaycanın İnternet və Mobil bankçılıq platformaları vasitəsilə müştərilər istənilən zaman, istənilən yerdə əməliyyatlarını asanlıqla həyata keçirə, hesablarından çıxarışları əldə edərək nağd pul istifadəsini şirkətin ehtiyaclarına uyğun formalaşdıra bilərlər.

“Ziraat Bank Azərbaycan” ASC, Türkiyə Respublikasına məxsus, 158 illik tarixə malik olan “Ziraat Maliyyə Qrupu”-nun tərkib hissəsidir və Azərbaycan Respublikasının Mərkəzi Bankı tərəfindən verilmiş 30.12.2014-cü il tarixli 255 nömrəli lisenziya əsasında fəaliyyət göstərir. Bank korporativ və pərakəndə bankçılıq sahəsində məhsul və xidmətlərini Bakı, Gəncə və Sumqayıt şəhərlərində yerləşən ümumi 7 filialı ilə yanaşı, rəqəmsal satış və xidmət platformaları üzərindən də müştərilərə təqdim edir. Bank 2022-ci ildə xarici ticarət istiqamətində göstərdiyi üstün xidmətlərə görə “Global Finance” beynəlxalq nəşri tərəfindən “İlin ən yaxşı xarici ticarət xidmətini təqdim edən bank”ı adına layiq görülmüşdür.

Bankın təqdim etdiyi məhsul və xidmətlər haqqında daha ətraflı məlumatı, Bankın Facebook, Instagram, Twitter, Linkedin, Youtube sosial media hesablarından və ya *9229 qısa nömrəsinə zəng edərək əldə edə bilərsiniz.

Məqalədə:
Xəbər lenti

Xəbər lenti