Azərbaycan, Bakı, 21 may / Trend , müxbir S.Babayeva/ Rabitə sahəsində Regional Birlik Şurasının (RBŞ) 39-cu və İnformasiyalaşdırma üzrə Koordinasiya Şurasının 13-cü iclaslarının vaxtı dəyişdirilib. Təşkilatdan verilən məlumata görə, görüşün vaxtı bir qələr sonra razılaşdırılacaq.
Əvvəl görüş mayın 22-23-də Düşənbədə keçirilməsi təyin olunmuşdu. Sözügedən görüşdə Rabitə və İnformasiya Texnologiyaları nazirinin müavini Elmir Vəlizadənin rəhbərliyi ilə nümayəndə heyətinin iştirakı gözlənilirdi.
RBŞ AR-nin 39-cu iclasının gündəliyində 24-cü Ümumdünya Poçt Şurasının Konqresinə hazırlıq, elektrorabitənin standartlaşdırılması üzrə ümumdünya Assambleyasına hazırlıq, informasiya cəmiyyəti məsələləri üzrə yüksək səviyyədə Ümumdünya görüşü qərarlarının həyata keçirilməsi, universal xidmətlər üzrə təcrübənin təqdim olunması, elektrorabitənin yeni xidmətlərin təqbiq olunması məsələləri daxildir. Görüşdə Azərbaycan, Rusiya, Bolqarıstan, Moldova, Ukrayna, Belarus, Qazaxıstan və digər ölkələrdən nümayəndə heyətlərinin iştirakı gözlənilir.