Azərbaycan, Bakı, 17 iyul/ Trend / Meksika Azərbaycanla informasiya texnologiyaları sahəsində əməkdaşlıq haqqında razılaşma imzalamağı planlaşdırır, - Azərbaycanın Meksikadakı səfiri İlqar Muradov Azərbaycanın rabitə və informasiya texnologiyaları naziri Əli Abbasovla görüşündə deyib, - nazirliyin mətbuat xidməti xəbər verir. O, Meksika tərəfinin 2009-cu ildə Abbasovu Meksikaya dəvət etmək niyyəti barədə bildirib.
"Meksika Azərbaycanla informasiya texnologiyaları sahəsində əməkdaşlığın inkişaf etdirilməsində maraqlıdır", - o deyib.
Abbasovun Meksikaya səfəri çərçivəsində imzalanması nəzərdə tutulan razılaşma iki ölkə nazirlikləri arasında əməkdaşlığın genişləndirilməsinə istiqamətlənib.
