...

Azərbaycanın Rabitə Nazirliyi birinci yarım il ərzində büdcə ödəmələrini açıqlayıb

Telekommunikasiya Materials 21 İyul 2008 16:01 (UTC +04:00)

Trend-i buradan izləyin

Azərbaycan, Bakı, 21 iyul/ Trend , müxbir S.Babayeva/ Azərbaycanın Rabitə və İnformasiya Texnologiyaları Nazirliyi (RİTN) birinci yarımil ərzində dövlət büdcəsinə 14 mln. manatdan çox vəsait köçürüb ki, bu da 2007- ci ilin eyni dövrü ilə müqayisədə 3,2 mln. manat çoxdur. Bu barədə RİTN-nin maliyyə, uçot və iqtisadi analiz şöbəsinin rəhbəri Rəşad Nəbiyev məlumat verib.

Onun sözlərinə görə, Dövlət Sosial Müdafiə Fonduna ödəmələr 5,4 mln. manat təşkil edib ki, bu da 2007-ci ilin yanvar-iyunundan 0,8 mln. manat çoxdur.

Birinci yarımil ərzində RİTN-in müəssisələri üzrə gəlirlər proqnozda göstərilən 93,2 mln. manata qarşı 100,9 mln. manatı ötüb.

Göstərilən xidmətlər nəticəsində əhalidən alınan gəlirlər, 2007- ci ilin eyni dövrü ilə müqayisədə, 9 mln. manat artımla, 41 mln. manata çatıb.

Rabitə Nazirliyi yanvar-iyun ərzində İT sahəsinin inkişafına 15,1 mln. manat - 2007- ci ilin eyni göstəricisi ilə müqayisədə 1,1 mln. manat çox vəsait ayırıb.

Nazirlik üzrə orta aylıq əmək haqqı 228,4 manatdır.

Bu dövr ərzində RİTN - də 134 yeni iş yeri açılıb.

Birinci yarımil ərzində Azərbaycanın ÜDM-də rabitə sektorunun payı, ÜDM-in təqribən 16,5 faiz artması ilə, 1,5 faiz təşkil edib.

Xəbər lenti

Xəbər lenti