...

Finlandiyanın xarici ticarət naziri BakuTel - 2008 beynəlxalq konfrans və sərgisinə dəvət edilib

Telekommunikasiya Materials 9 Oktyabr 2008 18:35

Trend-i buradan izləyin

Azərbaycan, Bakı, 09 oktyabr/ Trend , müxbir S.Babayeva/ Azərbaycanın rabitə və informasiya texnologiyaları naziri Əli Abbasov Finlandiyanın xarici işlər nazirini BakuTel-2008 beynəlxalq konfrans və sərgisinin işində iştirak etməyə dəvət edib. Sərgi cari ilin 11-14 noyabrında keçiriləcək. Rabitə Naziriliyinin verdiyi xəbərə görə, cümə axşamı Abbasov Bakıda səfərdə olan Finlandiyanın nümayəndə heyəti ilə görüşüb. Nümayəndə heyətinin tərkibinə Finlandiyanın xarici ticarət və inkişaf naziri Paavo Vyaürünen və bu ölkənin iri telekommunikasiya şirkətlərinin bəzi nümayəndələri daxildir.

Görüş zamanı tərəflər iki ölkənin informasiya - kommunikasiya texnologiyaları sahəsində əməkdaşlıq perpsektivlərini, Azərbaycan bazarına Finlandiya sərmayələrinin cəlb edilməsi imkanlarını müzakirə ediblər.

Fin tərəfi İKT sektorunu ölkədə inkişaf edən və perspektivli sektor olduğunu hesab edərək, Azərbaycanın bu sahədə həyata keçirdiyi layihələrdə iştirakda böyük marağını ifadə edib.

Hazırda Azərbaycan və Finlandiya arasında rabitə və informasiya texnologiyaları sahəsində əməkdaşlıq haqqında sazişlər mövcud deyil.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti