Azərbaycan, Bakı, 29 oktyabr/ Trend , müxbir Ü.İsmayılova/ "Azərbaycanda İnternet-xidmətlərin qiymətlərinin növbəti dəfə azaldılması yerli provayderləri qlobal şəbəkə ilə bağlayan İnternet-kanalın tutumunun artırılması nəticəsində baş verə bilər", - rabitə və informasiya texnologiyaları nazirinin müavini İltimas Məmmədov çərşənbə günü Qarşılıqlı Rouminq Ekspertləri Qrupunun (QREQ) illik iclasında bildirib.
"İlin əvvəlindən Azərbaycanda bəzi İnternet xidmətləri 30-70 faiz ucuzlaşıb", - nazir müavini bildirib.
Məmmədovun sözlərinə görə, İnternet-xidmətlərə qiymətlərin yüksək olmasının səbəbi qlobal şəbəkə ilə bağlayan kanalın baha olmasıdır. Dövlət bu xidmətlərə olan qiymətləri tənzimləyə bilməz. Bu, özəl bazardır. Lakin, nazirlik qiymətlərin azalmasının xidmətlərin keyfiyyətinə təsir etməməsinə nəzarət edir.
"Kanalın tutumunun genişlənməsi artmağa davam edəcək, İnternet-xidmətlər ucuzlaşacaq və Azərbaycanın provayderləri öz xidmətlərinin qiymətlərini bir daha azalda biləcəklər", - nazir müavini bildirib.
"Azərbaycanda İnternet şəbəkəsinə çıxış xidmətləri tariflərinin 30- 40 faiz azalacağı gözlənilir", - Aztelekom İstehsalat Birliyinin Baş direktoru Məhəmməd Məmmədov əvvəllər bildirib.
Onun sözlərinə görə, Azərbaycan MDB - də respublikanın təxminən bütün regionlarının İnternetlə təmin edildiyi yeganə ölkədir. Bakıda əksər istifadəçilər yüksək keyfiyyətli genişxətli İnternetin xidmətlərindən istifadə edirlər. Regionlarda hələ də, əsasən, dial-up qoşulmasından istifadə olunur.
Son dörd ildə Azərbaycanda İnternetə çıxış xidmətlərinə olan qiymətlər təxminən 7 dəfə azaldılıb. Azərbaycand 40 İnternet provayderi fəaliyyət göstərir və onlardan yalnız ikisi dövlət şirkətidir.
Müəlliflə əlaqə saxlamaq üçün elektron ünvan: [email protected]