Azərbaycan, Bakı, 14 noyabr / Trend müxbir S.Babayeva/ "Cisco" telekommunikasiya şirkəti Azərbaycanda fəaliyyətini aktivləşdirmək niyyətindədir. Bunu Mərkəzi Asiya qrupu üzrə şirkətin meneceri Əli Kuralqan ötən günü Bakıda deyib.
Kuralqan qeyd edib ki, İT sahəsin üzrə Azərbaycanda böyük potensial var və buna görə burada biznesi inkişaf etdirəcəyik. Kuralqan deyib: "Yeni texnologiyaların tətbiq edilməsinin sürətləndirilməsi üçün bütün tender və müsabiqələrdə iştirak edəcəyik".
Bir neçə ay əvvəl Cisco təşkilati dəyişikliklər edib. Belə ki, qurumun yeni strukturu üzrə Azərbaycan Şərqi Avropa bölməsinə aid edilib. Kaan Terzioğlunun başçılıq etdiyi bu bölməyə 19 dövlət daxildir.
Kuralqan vurğulayıb ki, informasiya texnologiyaları üzrə Azərbaycanın böyük potensialını nəzərə alan Cisco, buranı Mərkəzi Asiyanın regional mərkəzinə çevirmək niyyətindədir.
Şirkətin menecerinin sözlərinə görə Cisco özünün iri lahiyyələrini sistemli olaraq Azərbaycanda həyətə keçirmək fikrindədi. Bu sahədə prioritet istiqamətlərdən biri də Azərbaycanın dövlət institutlarıdı.
Şirkət bank, telekommunikasiya, təhsil və digər sahələrdə müasir texnologiyalar tətbiq etmək niyyətindədir. Cisco növbəti nəsil şəbəkənin - NGN-in Azərbaycanda həyətə keçirilməsinə yardım göstərmək istəyir. Azərbaycanda İT sahəsində kadr potensialını artırmaq məqsədi ilə şirkət şəbəkə akademiyalarını genişləndirməyi planlaşdırır.
Cisco 1984-cü ildə Stenford universitetinin biq qrup alimləri tərəfindən yaradılıb. Şirkətin qərargafı Kaliforniya ştatında San-Xosedə yerləşir. Şirkətin başçısı Con Çembersdir (John Chambers). Qurum MDB məkanında 1995-ci ildən fəaliyyət göstərir.
Məqalə müəllifi ilə əlaqə ünvanı: [email protected]
