Azərbaycan, Bakı, 21 yanvar/ Trend , müxbir S.Babayeva/
Dünya maliyyə böhranı şəraitində Azərbaycanda regional innovasiya zonasının yaradılması üzrə layihənin səmərəliliyi artacaq. Belə ki, layihə yerli istehsalın gücləndirilməsi və İT-məhsul ixracının fəallaşdırılmasını nəzərdə tutur, - ölkənin rabitə və informasiya texnologiyaları naziri Əli Abbasov çərşənbə günü bildirib.
2008 - ci ildə sosial - iqtisadi inkişafın yekunları üzrə iclasda bu vəzifələr Azərbaycan hökumətinin qarşısında qoyulub. İclasda dövlət başçısı İlham Əliyev yerli istehsalın və ölkənin ixrac imkanlarının gücləndirlməsini dünya maliyyə böhranı şəraitində iqtisadiyyatın davamlı inkişafın dəstəklənməsi üçün priroritet istiqamətlər adlandırıb.
"Biz hökumətin artıq 2009 - cu ildə layihəni təsdiq etməsinə nail olmalıyıq. O, qarşımızda yeni imkanlar açacaq. Burada monetar və fiskal güzəştlər tətbiq olunacaq, Azərbaycanın şirkətlərinin regional bazara çıxışı təmin ediləcək", - Abbasov vurğulayıb.
RİZ layihəsi kiçik və orta innovasiya sahibkarlığının inkişafı üçün texnoparkların yaradılması, elektron avadanlıqlar və proqram məhsullarının istehsalı və ixracı üzrə regional bazanın yaradılması, ölkənin əlverişli tranzit informasiya mərkəzinə (Data Centre) çevrilməsini, formalaşan informasiya cəmiyyəti üçün insan ehtiyatlarının hazırlanması və inkişafı, müxtəlif sahələrdə informasiya texnologiyalarının tətbiqini nəzərdə tutur.
Rabitə Nazirliyinin hesablamalarına görə, layihə uğurla realizə olunarsa, ölkənin İT sahəsindən gəlirləri hazırki 1 mlrd. manatdan 2012-ci ildə 12 mlrd. manatadək artacaq, 2016 -ci ildə bu göstərici 12 mlrd. mant təşkil edəcək, 2018 - ci ildə isə, artıq ölkənin neft gəlirlərinə bərabər olacaq.
Müəlliflə əlaqə saxlamaq üçün elektron ünvan: с[email protected]
