Azərbaycan, Bakı, 17 avqust / Trend , müxbir H. Vəliyev /
Azərbaycanda təşkilatlara və əhaiyə göstərilən telekommunikasiya və poçt rabitəsi xidmətlərinin həcmi yanvar-iyul ayları ərzində 560,9 milyon manat təşkil edib ki, bu da ötən ilin müvafiq dövründəki göstəricidən 12,7 faiz çoxdur. Bu barədə Azərbaycan Dövlət Statistika Komitəsi məlumat verib.
Ümumi həcmdən 78,1 faiz və ya 438,1 milyon manat əhaliyə göstərilən xidmətlərin payına düşüb.
Əldə olunmuş gəlirin 72,3 faizi mobil rabitənin payına düşüb ki, bu sahədə artım keçən ilin anoloji göstəricisi ilə müqayisədə 14,5 faiz təşkil edib.
Rabitə xidmətlərinin artımı Quba-Xaçmaz iqtisadi rayonunda 5,7 faiz, Dağlıq Şirvanda 3,9 faiz, Şəki-Zaqatalada 1 faiz, Aranda 4,2 faiz, Lənkəran iqtisadi rayonunda 4,3 faiz, Abşeronda 13,1 faiz, Gəncə-Qazax iqtisadi rayonunda 0,9 faiz təşkil edib.
Məqalə müəllifi ilə əlaqə ünvanı: [email protected]
