Azərbaycan,Bakı, 24 oktyabr / Trend , müxbir H.Vəliyev/
Azərbaycan nümayəndə heyəti Berndə keçiriləcək Ümumdünya Poçt İttifaqının (ÜPİ) payız sessiyasında iştirak edəcək. Bu barədə Rabitə və İnformasiya Texnologiyaları Nazirliyindən (RİTN) Trend -a məlumat verilib.
Məlumata görə, RİTN-in poçt rabitələri şöbəsinin müdiri Novruz Məmmədovun başçılıq etdiyi nümayəndə heyətinin tərkibinə nazirliyin, Dünya Bankının Azərbaycandakı nümayəndəliyinin və Azərbaycan Mərkəzi Bankının nümayəndələri daxildir.
Administrariv Şuranın və Poçt İstismarı Şurasının üzvü olan Azərbaycan hər iki strukturun müzakirələrində iştirak edəcək.
ÜPİ-nin sessiyası noyabrın 13-də öz işini başa çatdıracaq. Sessiyadan əlavə, 9-10 noyabr tarixlərində poçt-maliyyə xidmətlərinə həsr edilmiş seminarın keçiriləcəyi gözlənilir. Seminarda Azərbaycandan olan nümayəndələr ölkədə həyata keçirilən maliyyə xidmətlərinin inkişafı layihəsindən bəhs edən məruzələrlə çıxış edəcəklər.
Məqalə müəllifi ilə əlaqə ünvanı: [email protected]
