Azərbaycan, Bakı, 5 oktyabr /Trend, müxbir H.Vəliyev/
"Microsoft Azerbaijan" Azərbaycanda kiçik və orta biznes şirkətlərinin xeyrinə antivirus həllər üzrə standart lisenziyalaşdırılmış sazişə dəyişiklik edib. Bu barədə şirkətin bazar ertəsi yaydığı məlumatda deyhilir.
Şirkət antivirusların iki növünü - "Forefront Client Security" və "Microsoft Security Essentials" təklif edir.
"Forefront Client Security" məhsulu şirkət tərəfindən bu yaxınlarda təqdim olunub və "ICSA Labs", "Checkmark" sertifikatlarına, eləcə də testləşdirmə zamanı təklif olunan virusları 100 faiz aşkara çıxaran antiviruslara təqdim olunan VB100 mükafatına malikdir.
"Microsoft Security Essentials" məhsulu "Forefront Client Security"nin pulsuz analoqudur, eləcə də "Forefront" əsasında hazırlanıb. Bu yaxınlaradək bu virus yalnız evdə istifadə üçün pulsuz idi və "Microsoft" korporasiyasının saytından köçürmə üçün açıq idi.
Oktyabrın əvvəlindən "Microsoft Security Essentials" antivirusu kiçik və orta biznes şirkətləri üçün də pulsuz olub. Bir şərtlə ki, şirkətin parkındakı kompüterlərin sayı 10 ədəddən çox olmasın.
Daha iri təşkilatlar üçün "Microsoft" "Microsoft Forefront" xətti əsasında bir sıra həllər təklif edir ki, onlar kompüterlərin özləri ilə yanaşı, poçtu, eləcə də serveri və server məhsullarının bəzi növlərini spamdan qoruyur.
