Azərbaycan, Bakı, 9 fevral/Trend, müxbir H.Vəliyev/
Azərbaycan "kağız peyklər" (orbitin alınması üçün buraxılmayanlar) üçün geostasionar peyklərin orbitlərində mövqeyin tutulmasına imkan verməyən beynəlxalq hüquq mexanizmlərinin hazırlanması prosesinə tərəfdardır. Bu barədə çərşənbə günü Trend-ə Rabitə və İnformasiya Texnologiyaları Nazirliyinin Dövlət Radiotezliklər İdarəsinin baş mühəndisi İlham Əfəndiyev deyib.
Onun sözlərinə görə, "kağız peyklər"in geostasionar peyklərin mənimsənilməsi praktikası orbitdən effektiv və səmərəli istifadəni yubadır və ondan bərabər istifadə hüququnu pozur.
"Beynəlxalq Telekommunikasiya İttifaqının bir sıra üzvlərinin orbital mövqe və onlardan gələcəkdə təyinatı üzrə istifadə edilməməsi ilə bağlı bəyanatları hüquqdan sui-istifadə etmək deməkdir. Azərbaycanın "kağız peyklər" praktikasının aradan qaldırılması ilə bağlı beynəlxalq hüquq mexanizmlərinin hazırlanması üzrə təklifi 2012-ci ildə Ümumdünya Radiorabitə Konfransında irəli sürüləcək", - Əfəndiyev qeyd edib.
Belə fəaliyyət nəticəsində İTU-nun bütün sistemlərinin işi yubadılır, belə ki, istənilən müraciət diqqətli baxılmanı tələb edir.
Əfəndiyevin sözlərinə görə, o, 2012-ci ilin fevralın 14-dən 15-dək Cenevrədə keçiriləcək Ümumdünya Radiorabitə Konfransının ilkin iclasında iştirak edəcək. İclas zamanı İTU üzv ölkələrinin, eləcə də Regional Rabitə Birliyi üzvlərinin ilkin təkliflərinə baxılacaq. İclas iştirakçıları tezlik resurslarından səmərəli istifadə və onların koordinasiyası, peyk rabitəsi sistemləri, naviqasiya, televiziya və s. məsələləri müzakirə edəcəklər.
