Azərbaycan, Bakı, 15 mart /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyinin "Aztelekom" İstehsalat Birliyi Regional Rabitə Birliyinin (RRB) Elektrik Rabitəsi Operatorları Şurasının 27-ci və RRB-nin Elektrik rabitəsi üzrə Komissiyasının 23-cü birgə iclaslarında iştirak edəcək. Bu barədə Trend-ə çərşənbə axşamı nazirlikdən bildirilib.
Tədbir aprelin 6-7-də Türkmənistanda keçiriləcək.
İclas iştirakçıları rabitə şəbəkələrinin idarə edilməsi, yeni rabitə xidmətlərinin hazırlanması və tətbiqi, MDB ölkələrində rouminq tariflərinin tənzimlənməsi imkanları, RRB-nin Operatorlar Şurasının fəaliyyətinin təkmilləşdirilməsi və s. məsələləri müzakirə edəcəklər.
İclas çərçivəsində Beynəlxalq Telekommunikasiya İttifaqının 2010-cu il rabitənin inkişafı üzrə Ümumdünya Konfransının qərarlarının həyata keçirilməsinin gedişini və 2010-cu il səlahiyyətli konfransın işinin yekunlarını da müzakirə edəcəklər.
RRB-nin Operatorlar Şurasına Rusiyanın "Nec Neva kommunikasiya sistemləri" və Sloveniyanın "Iskratel" şirkətlərinin müşahidəçi qismində qəbul edilməsi məsələsinə də baxılacaq.
