...

Azərbaycanın internet provayderi 490-496 saylı ATS-lərin ərazisində öz fəaliyyətini dayandırıb

Telekommunikasiya Materials 20 İyun 2011 12:12 (UTC +04:00)

Azərbaycan, Bakı, 20 iyun /Trend, müxbir H.Vəliyev/

Azərbaycanın internet provayderi "UniNet" ("Stream") iyulun 1-dən etibarən 490-496 saylı ATS-lərin ərazisində öz fəaliyyətini dayandıracaq. Bu barədə Trend-ə şirkətdən məlumat verilib.

"UniNet" şirkəti bunun səbəbini telefon stansiyalarının sahibi "Ultel" şirkətində kanalın tutumunu artırmaq üçün şərait yaratmaq imkanının olmaması səbəbindən onun keyfiyyətinin yaxşılaşdırılmasının qeyri-mümkünlüyü ilə izah edir.

Yaranan vəziyyətlə əlaqədar şirkət "Ultel"in xeyrinə öz abonentlərindən imtina edir.

Öz növbəsində telefon stansiyalarının sahibi bunu əksini qeyd edərək bildirir ki, "Ultel"in "UniNet" şirkətinin atdığı addıma aidiyyəti yoxdur.

"Ultel" şirkətinin satış üzrə direktoru İsmayıl Əfəndiyevin sözlərinə görə, "Ultel" şirkəti uzun illər boyunca internet provayderlər, o cümlədən "UniNet" şirkətinin inkişafı üçün lazımi şərait yaradıb.

"Onun fikrincə, "UniNet"in qəbul etdiyi qərarın səbəbi çox güman ki, internet istifadəçilərinin məlumatların ötürülməsi sürətinə qarşı daima artan tələbatı ilə bağlıdır.

"Ultel" şirkəti hər il öz infrastrukturunun saxlanması və genişləndirilməsi üçün xeyli investisiyalar yatırır. Öz infrastukturu olmayan və digər telefon operatorlarının infrastukturundan istifadə edən provayderlər ("UniNet" kimi şirkətlər) telefon operatorundan lazımi telefon resursunu icarəyə götürə bilmirlər. Buna görə istifadəçilərin artan tələbatı şəraitində belə provayderlər rəqabətqabiliyyətli olmurlar", - Əfəndiyev qeyd edib.

Analoji vəziyyət 2009-cu ilin oktyabrında da baş vermişdi. O zaman "UniNet" "Ultel"in balansında olan 465 saylı ATS-də işləri dayandırmışdı.

O zaman problem əlavə kabellərin çəkilməsi ilə bağlı olub. Buna "Ultel"in rəhbərliyi öz razılığını verməmişdi. Bundan əvvəl Əfəndiyevin dediyinə görə, "UniNet" şirkətinin 465 saylı ATS-də abonent bazası cəmi 33 istifadəçi təşkil edir.

Bu növ problemlər dövlət rabitə operatorlarının şəbəkələrində artıq öz həllinin tapıb. Rabitə və informasiya texnologiyaları naziri Əli Abbasov yanvarda "Aztelekom" və "Bakı Telefon Rabitəsi" İstehsalat birliklərinin rəhbərlərinə özəl internet servis provayderlərin biznesinin inkişafına lazımi şərait yaratmaq barədə tapşırıq verib.

Abbasovun sözlərinə görə, nazirliyə dəfələrlə dövlət rabitə operatorlarının telekommunikasiya qovşaqları vasitəsilə bəzi provayderlərə öz bizneslərinin inkişaf etdirilməsində maneələrin yaradılması barədə şikayətlər daxil olub. Onun sözlərinə görə, bu, yol verilməzdir.

Xəbər lenti

Xəbər lenti