...

Azərbaycanda "Eurovision 2012" müsabiqəsinə hazırlıq çərçivəsində onlayn-xidmətlərin genişləndirilməsi vacibdir

Telekommunikasiya Materials 21 Noyabr 2011 15:45 (UTC +04:00)

Azərbaycan, Bakı, 21 noyabr /Trend, müxbir E.İsmayılov/

"Azərbaycan Dəmir Yolları" QSC-nin biletlərin onlayn-satış sistemini tətbiq etməsi Azərbaycanda "Eurovision 2012" mahnı müsabiqəsinin keçirilməsi ərəfəsində vacib addımdır. Trend-in məlumatına görə, bu barədə bazar ertəsi rabitə və informasiya texnologiyaları nazirinin müavini İltimas Məmmədov sistemin təqdimatında deyib.

"Təyyarələr və qatarlara biletlərin onlayn-satış sisteminin geniş tətbiq edilməsi, eləcə də ictimai nəqliyyatda kart sisteminin tətbiqi, teatr və kinoteatrlara biletlərin onlayn-satışı Bakıda adıçəkilən müsabiqənin keçirilməsinə hazırlıq çərçivəsində vacib tələbatlardır", - Məmmədov bildirib.

Azərbaycanda üçüncü nəsil (3G) şəbəkəsinin işə salınması onlayn-xidmətlərə çıxışı daha da genişləndirəcək. "İndi bütün bu əməliyyatları mobil telefon vasitəsilə həyata keçirmək mümkün olacaq", - nazir müavini deyib.

Bazar ertəsi "Azərbaycan Dəmir Yolları" QSC daxili və xarici sərnişin reysləri üçün biletlərin onlayn satışına başlayıb.

Biletləri onlayn rejimdə www.railway.gov.az internet saytı vasitəsilə "Onlayn bilet" bölməsində əldə etmək olar. Alınan biletlərin ödənişini plastik kartlardan istifadə etməklə həyata keçirmək olar.

Biletləri onlayn-rejimdə maksimum 10 sutka ərzində və qatarın yola düşməsinə maksimum iki saat qalmış sifariş etmək olar. Sərnişin qatarın yola düşməsinə bir saat qalmış bileti əldə etmək üçün sifarişi təsdiqləyən sənəd və ya şəxsiyyət vəsiqəsi ilə kassaya yaxınlaşmalıdır.

Xəbər lenti

Xəbər lenti