Azərbaycan, Bakı, 23 oktyabr /Trend, müxbir H.Vəliyev/
Azərbaycanın Rabitə və İnformasiya Texnologiyaları Nazirliyinin "Aztelekom" İstehsalat Birliyinin abonentlərinin sayı 669 minə çatıb. Bu barədə Trend-ə çərşənbə axşamı İB-dən məlumat verilib.
"Aztelekom"un rayon telekommunikasiya qovşaqlarında hər 100 nəfərə 12,1 telefon aparatı düşür ki, bu da ilin əvvəlindəki göstəricidən 0,1 faiz çoxdur.
Operatorun regional TKQ üzrə hər 100 ailəyə 57,3 telefon düşür. Bu göstərici üzrə artım 0,5 faiz təşkil edir.
Hazrda dövlət operatorunun nömrə tutumu 700 min ədədi ötür.
Stasionar telefoniyanın inkişafında operatorun hədəfi onların bazasında tele və radio xidmətlərinin göstərilməsi üçün genişzolaqlı qoşulmaların sayının artımından ibarətdir.
Perspektivdə operatorun planlarına IP-TV xidmətlərinin açılması daxildir.
Hazırda "Teleradio" İB dövlət rabitə operatorları "Aztelekom" və "Bakı Telefon Rabitəsi" şəbəkəsində IP-TV formatda siqnalların ötürülməsini həyata keçirir.
