Azərbaycan, Bakı, 2 noyabr /Trend, müxbir H.Vəliyev/
Doqquz ayın yekunları üzrə Azərbaycana daxil olan internet-trafikin həcmi 2011-ci ilin analoji dövrü ilə müqayisədə 51,9 milyon dəqiqə azalaraq 494,5 milyon dəqiqə təşkil edib. Trend-in məlumatına görə, bu barədə cümə günü Rabitə və İnformasiya Texnologiyaları Nazirliyinin 9 ayın yekunlarına dair hesabatında deyilir.
Nazirliyin məlumatına görə, çıxan trafikin həcmi isə 8,9 milyon dəqiqə artaraq 142,4 milyon dəqiqə təşkil edib.
Ötən dövr ərzində beynəlxalq telefon kanallarının sayı 269 ədəd artaraq 9385 ədədə çatıb. Beynəlxalq internet kanallarının buraxılış qabiliyyəti 2011-ci ilin göstəricilərinə nisbətən 2,2 dəfə artaraq 200 Gbit/saniyəyə çatıb.
