Azərbaycan, Bakı, 19 noyabr /Trend, müxbir H.Vəliyev/
Azərbaycanın ilkin provayderi "Delta Telecom" şirkətinin şəbəkəsi üzrə istifadə edilən daxil olan internet trafikinin həcmi 59 Qbit/s-yə çatıb. Trend-in məlumatına görə, bu barədə bazar ertəsi "Delta Telecom" şirkətinin statistik hesabatında deyilir.
Azərbaycanda internet-servis provayderlərinin şəbəkəsində istifadə edilən daxil olan internet trafikinin həcmi oktyabrın 16-dan noyabrın 19-dək 18 faiz artıb.
Şəbəkənin yüklənmə dinamikası sutkanın vaxtlarından asılı olaraq dəyişir və ən böyük yüklənmə günorta saatlarına düşür. Gecə vaxtı bu göstərici 6 Qbit/s-yə qədər azalır ki, bu da oktyabrın göstəriciləri ilə müqayisədə 1 Qbit/s çoxdur.
"Delta Telecom"un statistikasına əsasən, çıxan trafikin həcmi 13 Qbit/s-yə çatır. Bu göstərici sutkanın gecə vaxtı 1 Qbit/s-yə qədər aşağı düşür.
Hazırda "AzNET" seqmentinin ümumi tutumu 300 Qbit/s-yə çatır.
"Delta Telecom"un trafikini öz aralarında 30 telekommunikasiya operatorları (dövlət və özəl internet-provayderlər, mobil rabitə operatorları və s.) bölüşür.
Noyabrın 19-na olan vəziyyətə görə, son istifadəçiyə çatdırılan trafikin daha böyük həcmi dövlət internet provayderi "BakinterNet"in (24,51 faiz) payına düşüb. İkinci yeri 13,98 faiz payla "Aztelekom", üçüncü yeri isə 12,23 faiz payla "Uninet" ("Stream"in ticarət nişanı) şirkəti tutur.
Qalan 49,28 faiz AlfaNet, Azintex, Eurotelecom, Q-Telecom, Avirtel, Azedunet, Caspel, QlobalNet, TransEuroCom, Azerin, AzStarNet, Castel, MegaTelecom, Smart-Systems, Azeronline, Stellford (Connect-in ticarət nişanı), Nakhchivan, Ultel, Azerphone, Azqtel, DATAPlus, Orbit-az, AzEuroTel, Bakcell, Eurocel, Rabitə Nazirliyinin Məlumat-Hesablama Mərkəzi və Azstatenet şirkətləri arasında bölüşür.
