Azərbaycan, Bakı, 9 dekabr /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyinin İnformasiya Texnologiyalarının İnkişafı Dövlət Fondu gələcək fəaliyyətinin formalaşmasında Çinin təcrübəsini tətbiq etmək niyyətindədir. Bu barədə bazar ertəsi Trend-ə fondun icraçı direktoru Elçin Zeynalov bildirib.
Onun sözlərinə görə, yeni texnologiyalara çıxışa kəskin zərurət Azərbaycandakı Çin şirkətlərinin biznesinin transferti haqqında düşünmək zərurəti yaradır: "Şübhəsiz ki, Qərbdə çoxlu elmi-tədqiqat işləri aparılır. Bu arada, Çin bizim üçün daha əhəmiyyətli olan təcrübəyə malikdir. Çin şirkətləri texnoloji şirkətlərin idarə olunmasında və onların gələcək innovativ inkişafında böyük təcrübəyə malikdir. Məhz buna görə biz bu gün Çin şirkətləri ilə əməkdaşlığa köklənmişik və onlardan bəziləri ilə artıq danışıqlar aparılır".