...

Bakıda rəqəmsal TV siqnalının davamlılığı təmin edilib

Telekommunikasiya Materials 15 May 2014 14:52

Trend-i buradan izləyin

Azərbaycan, Bakı, 15 may /Trend, müxbir H.Vəliyev/

Rabitə və Yüksək Texnologiyalar Nazirliyinin "Teleradio" İstehsalat Birliyi (İB) Bakıda DVB-T standartlı rəqəmsal televiziya siqnalının davamlılığını təmin etmək üçün ehtiyat ötürücü aparatların quraşdırılmasını başa çatdırıb. Bunu cümə axşamı Trend-ə Birlikdən deyiblər.

İB-dən bildiriblər ki, rəqəmsal siqnalın davamlılığını təmin etmək üçün avadanlıq Bakıda televiziya qülləsində quraşdırılıb. "Teleradio" perspektivdə Azərbaycanın rayonlarında ehtiyat şəbəkənin yaradılması üzrə işləri genişləndirməyi planlaşdırır.

Ehtiyat şəbəkə siqnalın zəif qəbul olunduğu yaşayış məntəqələrində rəqəmsal TV siqnalının davamlılığını təmin edəcək və əhatə dairəsini genişləndirəcək.

Ehtiyat şəbəkə yaratmaq üçün zəruri avadanlığın alınması nəzərdə tutulur. Bununla paralel olaraq analoq siqnalının dayandırılması üzrə tədbirlər planı hazırlanır.

İB-dən deyiblər ki, hazırda Bakıdakı rəqəmsal televiziya infrastrukturu rəqəmsal yayım standartına tam keçməyə imkan verir. Rəqəmsal yayım standartına keçidin ilin sonunadək baş tutacağı gözlənilir.

Qeyd edək ki, bütün ölkə əhalisi dekoderlərlə təmin edildikdən sonra analoq siqnalı tam dayandırılacaq. Daxili bazarda bu qurğuların qiyməti 25-30 manatdır.

"Teleradio" İB hazırda ölkə əhalisinin rəqəmsal televiziya dekoderləri ilə təmin edilməsi sahəsində araşdırma aparır.

Məqalədə:
Xəbər lenti

Xəbər lenti