...

Azərbaycanda bir sıra əsas magistral rabitə qovşaqları yaradılıb

Telekommunikasiya Materials 29 May 2014 19:53 (UTC +04:00)

Azərbaycan, Bakı, 29 may /Trend, müxbir H.Vəliyev/

Azərbaycanın ilk provayderi "Delta Telecom" şirkəti respublika ərazisində 7 əsas magistral qovşağı yaradıb. Bunu cümə axşamı Trend-ə şirkətdən deyiblər.

Şirkətdən bildiriblər ki, qovşaqlar arasında buraxılış qabiliyyəti saniyədə 100 giqabit olan ehtiyat şəbəkə yaradılıb. Texniki baxımdan şəbəkə 300 giqabit trafiki dəyişməyə imkan verir.

"Delta Telecom"un reallaşdırdığı layihə dayaq şəbəkələrin (backbone) yaradılmasını nəzərdə tutur. Şirkətdən qeyd ediblər ki, "backbone" daha əvvəl yalnız Bakıda yerləşirdisə, hazırda onlar sərhədyanı zonalara köçürülüb. Bir "backbone" Astarada, biri Gürcüstanla sərhəddə, ikisi Rusiya ilə sərhəddə, biri Şamaxıda, ikisi isə Bakıda yerləşir.

Qeyd edək ki, hazırda ilk provayder Avropa DATA mərkəzlərində routerlərin yerləşdirilməsi üzrə iş aparır. Şirkətin routeri hazırda Frankfurtda quraşdırılıb və avadanlığın Sofiyada instalyasiyası üzrə işlər görülür.

Məqalədə:
Xəbər lenti

Xəbər lenti