...

Ailə NET internetin sürətini artırır

Telekommunikasiya Materials 13 Avqust 2014 11:00 (UTC +04:00)
İnternet provayder Ailə NET avqust ayının 15-dən minimal internet qoşulmanın sürətini 5 mb/s-ə qaldırır.
Ailə NET internetin sürətini artırır

Azərbaycan, Bakı, 13 avqust /Trend/

İnternet provayder Ailə NET avqust ayının 15-dən minimal internet qoşulmanın sürətini 5 mb/s-ə qaldırır. Bu zaman aylıq abunə haqqları dəyişməz qalacaq.

Xüsusi tariflərə əsasən Ailə TV abunəçiləri, 5 mb/s internetə görə aylıq 13 AZN ödəyəcəklər.

Qeyd edək ki, hal-hazırda, ən son texnologiyalardan istifadə edən Ailə NET, abunəçilərə 100 mb/s-dək internet qoşulma təklif edir.

Eyni zamanda Ailə NET, əhatə dairəsinin genişləndirilməsi istiqamətində də işlər aparır. Görülən işlərin nəticəsi olaraq internet provayderin əhatə dairəsinə Bakı şəhərinin Xətai, Nizami, Nərimanov, Binəqədi, Nəsimi, Suraxanı, o cümlədən Hövsan qəsəbəsi, Sabunçu rayonun Bakıxanov qəsəbəsi, Səbail rayonun bir hissəsi, eləcə də Gəncə şəhəri, o cümlədən Yeni Gəncə qəsəbəsi də əlavə olunub.

Caspian Telecom şirkətinin brendi olan Ailə NET internet provayderi 2011-ci ildən fəaliyyət göstərir və Azərbaycanda fiber-optik şəbəkələrin və internet xidmətlərinin inkişafı, genişlənməsi və təkmilləşdirilməsi istiqamətində müxtəlif layihələrin reallaşdırılması işlərini öz üzərinə götürüb.

Məqalədə:
Xəbər lenti

Xəbər lenti