Azərbaycan, Bakı, 15 avqust/Trend, müxbir Hüseyn Vəliyev/
Latviyanın "Roamer" xarici ölkələrə zənglərə qənaət servisi Azərbaycanda tətbiq edilib. Bunu cümə günü Trend-ə "Roamer" şirkətinin baş icraçı direktoru Nik Ustinov deyib.
Onun sözlərinə görə, servis sayəsində istifadəçilər yerli mobil rabitə operatorlarının nömrələrindən yararlanmaqla zəng edə bilərlər.
"Roamer" mobil əlavəsi rouminq rabitəsi xərclərinə qənaət etməyə imkan verir. Məsələn, Azərbaycan operatorlarının Sim-kartından istifadə etməklə ABŞ-dan Azərbaycana zənglərin 1 dəqiqəsi 1,5-4,5 manat təşkil edəcək. "Roamer" servisindən istifadə zamanı stasinor şəbəkələrdə zəngin 1 dəqiqəsi 16,8 avrosentə, mobil operatorlar şəbəkəsində isə 27,8 avrosentə başa gəlir.
"Roamer" əlavəsindən istifadə etmək üçün istifadəçi yola düşməzdən öncə seçilən müvəqqəti servis nömrəsində yönləndirməni quraşdırmalıdır, xarici ölkəyə gəldikdən sonra isə yerli SIM-kart əldə etməli və yeni kartın avtorizasiyası üçün əlavəni işə salmalıdır.
Əlavə iOS və Android əməliyyat sistemləri sahəsində işləyən qurğular üçün əlçatandır. Hazırda mövcud servisin fəaliyyət zonası 200-dən çox ölkəni əhatə edir.
