Azərbaycan, Bakı, 22 avqust /Trend, müxbir Hüseyn Vəliyev/
"Navitel Naviqator 9.1"-in naviqasiya proqramının istifadəçiləri üçün Azərbaycanın yeni ətraflı xəritəsi əlçatan olub. Trend xəbər verir ki, bu barədə "NAVITEL" şirkətinin yaydığı məlumatda deyilir.
Azərbaycanın yeni xəritəsi 29 426 kilometrlik yol qrafından, 25 211 POI (point of interest) məlumat bazasından ibarətdir. Ünvan axtarışında təxminən 51 min unikal ünvan var. Xəritəyə 4313 şəhər və yaşayış məntəqəsi daxil edilib, onlardan 45-i küçə-yol şəbəkəsi və ünvan axtarışı ilə təqdim edilib.
Xəritə "nm7" formatında buraxılıb ki, bunun da sayəsində o, iki dəfə az yer tutur və iki dəfə sürətlə işləyir.
Xəritədə yolların, marşrutların və avtomobil tıxaclarının vizual təsviri yaxşılaşdırılıb. Bundan başqa, ünvan məlumatlarına düzəlişlər və dəqiqləşdirmələr edilib, döngələrdə qadağa nişanları düzəldilib.
