...

Azərbaycanda sərf edilən internet-trafikin həcmi artdı

Telekommunikasiya Materials 3 Noyabr 2014 16:49

Trend-i buradan izləyin

Azərbaycan, Bakı, 3 noyabr /Trend, müxbir Hüseyn Vəliyev/

Ölkənin ilkin provayderi "Delta Telecom" şirkətinin şəbəkəsi üzrə daxil olan sərf edilmiş internet-trafikin həcmi sentyabr ayının göstəricisi ilə müqayisədə oktyabrda 5,8 faiz artaraq 127 Gbit/saniyə təşkil edib. Trend-in məlumatına görə, bu barədə "Delta Telecom" şirkətinin statistik hesabatında deyilir.

Şəbəkənin yüklənmə dinamikası günün vaxtlarından asılı olaraq dəyişir və ən böyük yüklənmə axşam saatlarına (127 Gbit/saniyə) düşür. Gündüz saatlarında bu göstərici 10 Gbit/saniyəyə qədər azalır.

Hesabata əsasən, oktyabrda xaric olan internet-trafikin maksimum həcmi 24 Gbit/s-i keçib ki, bu da sentyabrla müqayisədə 20 faiz çoxdur.

"Delta Telecom" şirkətinin trafiki 29 telekommunikasiya operatoru (dövlət və özəl internet provayderlər, mobil rabitə operatorları və digərləri) arasında bölüşdürülür.

Noyabrın 3-nə olan vəziyyətə görə, son istifadəçiyə çatdırılan internet-trafikin daha böyük həcmi "BakinterNet" dövlət internet-provayderinin (21,56 faiz) payına düşür. İkinci yeri 13,99 faizlik payla "Uninet" ("Stream" ticarət markası), üçüncü yeri isə 11,84 faizlə "Aztelekom" tutur.

Yerdə qalan 52,61 faiz "AlfaNet", "Azintex", "Eurotelecom", "Q-Telecom", "Avirtel", "Azedunet", "Caspel", "QlobalNet", "TransEuroCom", "Azerin", "AzStarNet", "Castel", "MegaTelecom", "Smart-Systems", "Azeronline", "Stellford" ("Connect" ticarət markası), "Nakhchivan", "Ultel", "Azerphone", "Azqtel", "DATAPlus", "Orbit-az", "AzEuroTel", "Bakcell", "Eurocel" və Rabitə və Yüksək Texnologiyalar Nazirliyinin Məlumat Hesablama Mərkəzi arasında bölüşdürülüb.

Məqalədə:
Xəbər lenti

Xəbər lenti