Bakı. Trend:
Azərbaycanda data mərkəzlərində Qrafik Prosessor Modullarının quraşdırılmasına başlanılıb.
Bunu Trend-ə bu gün Bakıda keçirilən “Süni İntellekt Standartlarının Media Nümayəndələrinə Kommunikasiyası” adlı tədbir çərçivəsində Milli Süni İntellekt Mərkəzinin Süni intellekt üzrə məhsul sahibi İbrahim Süleymanov açıqlamasında deyib.
Onun sözlərinə görə, proses hazırda uğurla icra edilməkdədir: "Avadanlıqlar alınıb və hazırda quraşdırılma işləri gedir. Bu işlər yekunlaşdıqdan sonra öz süni intellekt məhsullarımızı həmin mərkəzdə təqdim edə biləcəyik. Bu isə xərcləri azaldacaq.
Mərkəzdən həm tələbələr istifadə edəcək, həm də müvafiq dövlət strukturlarında istifadə olunacaq süni intellekt məhsulları həmin serverdə quraşdırılacaq. Bu da imkan verəcək ki, dövlət qurumları süni intellekt layihələrini bu avadanlıqlar üzərində apara bilsinlər. Gələn ilin ilk rübündə artıq bu işlərin ilkin nəticələrini görə biləcəyik".