Bakcell mobil rabitə operatoru Naxçıvan MR-də xidmətlər göstərməyə hazırlaşır. Bu barədə Trend ə NMR-in Bakıdakı daimi nümayəndəliyinin başçısı Rəşad Qulamov məlumat verib.
Onun sözlərinə görə, xidmətlərin göstərilməsinə respublikanın müstəqillik günündə - oktyabrın 18-də başlanacaq. Həmin gün şirkətin və yerli icra hakimiyyəti nümayəndələrinin iştirakı ilə rəsmi mərasim keçiriləcək.
Bakcell şirkətindən Trend ə bildirilib ki, oktyabrda müvafiq tədbir keçiriləcək. "Hələlik dəqiq tarix müəyyən edilməyib", - deyə Bakcell-dən qeyd edilib.
Sentyabrın ilk on günü ərzində Naxçıvanda 20 baza stansiyası quraşdırılıb.