Azərbaycan, Bakı / Trend / Azərbaycan Rabitə və İnformasiya Texnologiyaları Nazirliyinin Aztelekom İstehsalat Birliyi Qəbələ rayon telekommunikasiya qovşağı ilə bağlı kotirovka sorğusu elan edib.
Tədbir çərçivəsində Bilix və Çuxur-Qəbələ kəndlərində 256 nomrə tutumlu elektron ATS-in quraşdırılması nəzərdə tutulur. Bundan əlavə stansiyalar arasında əlaqənin yaradılması üçün RRX və FOM-4 avadanlığının alınması nəzərdə tutulur.
Verilən xəbərə görə, maraqlı şirkətlərin təklifləri iyunun 5-dək qəbul olunacaq.
Əlavə informasiya üçün rayon telekommunikasiya qovşağına müraciət edilə bilər.
Regionlarda rabitənin yenidən qurulması işləri "Elektron Azərbaycan" və Azərbaycan bölgələrin sosial-iqtisadi inkişafı üzrə Dövlət Proqramı çərçivəsində aparılır.
