Azərbaycan, Bakı/ Trend müxbir S.Babayeva/ Azərbaycan hökuməti və "Microsoft" korporasiyası arasında strateji tərəfdaşlıq haqqında razılaşma payızda imzalana bilər. Bu barədə şənbə günü Azərbaycanın rabitə və informasiya texnologiyaları naziri Əli Abbasov bildirib.
Onun sözlərinə görə, sənədin sentyabr-oktyabr aylarında imzalanması planlaşdırılır.
"Razılaşma layihəsi artıq hazırlanıb, amma ayrı-ayrı bəndlərin dəqiqləşdirilməsi lazım olduğundan razılaşmanı gec imzalamaq qərara alınıb" - deyə o söyləyib.
Razılaşma imzalandıqdan sonra "Microsoft"un Azərbaycanda investisya layihələri müəyyən olunacaq.
