Azərbaycan, Bakı /müx. Trend S.Babayeva/ Azərbaycan Dövlət Statistika Komitəsinin verdiyi məlumata görə, Azərbaycanda mobil rabitə abonentlərinin sayı iyulun əvvəlində 4,2 mln. nəfər təşkil edib. Beləliklə, orta hesabla 100 nəfərdən 50-si mobil telefona malikdir.
Mobil rabitədən əldə olunan gəlir ilin birinci yarısında 31,5% artaraq rabitə sahəsindəki gəlirlərin ümumi həcminin 68,6%-ni təşkil edib.
Hər 100 ailəyə 68 stasionar telefon düşür.
Azərbaycanda mobil rabitənin üç GSM operatoru fəaliyyət göstərir. Ən çox abonent göstəricisinə "Azercell Telekom" BM, "Bakcell" (800 mindən çox), "Azerfon" (100 mindən çox) malikdir.
